نكت مضحكة / نكت مضحكة جدا / نكت مضحكة موت :lol:

* ولد سأل مامته الحامل مشير الى بطنها وقال مين ده يا ماما قالت له اخوك وقال الولد وانت بتحبيه؟ قالت له ايوه فقال لها أمال اكلتيه ليه .
* مرة واحد نجار بيسألوه عن أحلى فيلم تحب تشوفه رد : المفك المفترس
* واحد فشار بيحكي مغامراته لصاحبه الغلس
الفشار : كنت ماشي مره في الصحرا طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرا في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرا في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرا
الفشار : فضلت اجري اجري لغاية ما أكلني ارتحت
* كهربائى اتجوز واحدة اسمها نجفة، كل مايبوسها يقف ع لوح خشب .
* مرة دكتورة أسنان بتخلع جوزها فالمحامى بيقولها نخلعه قالت لا نحشيه .
* واحد نجار صعيدى أول م ابنه اتولد دق فى قلبه مسمار عشان يعلق فيه البزازة .
* مره واحد اتصل بصاحبه فى التليفون…. ورد عليه ابنه الصغير بصوت واطى: الو بابا فين يا حبيبى… رد عليه: مشغول يا عمو…. طيب ماما فين: قاله ماما كمان مشغوله. يا عمو…. قاله: طيب مشغولين فى ايه يا حبيبى… مع البوليس يا عمو…. وبيعمل ايه البوليس عندكم…… اصلى مستخبى منهم وبيدوروا عليا…
* مرة نجار دخل في رجله مسمار ماعرفش يطلعه … تناه .
* مرة واحد بلديتنا حب يعمل روش … كتب على الشومة أديداس
* مرة واحد لغى معاده مع الدكتور علشان تعبان
* مره واحد جاي بعربية مفتوحه واخر موديل دخل على مطعم فعصابه سرقت عربيته ؛رفع المسدس وقال:لو مرجهتوش العربية ها اعمل فيكو زي ما عملت في اوروبا. العصابه خافت ورجعت السيارة . نط واحد وسأل؟ وعملت إيه في أوروبا ؟ قال : روحت مشي .
* بلديتنا ماسك ثلجة..وقال :بس أموت واعرف بتنقط منين؟؟!!
* مرة طفل صعيدى شاف ام زنجية بترضع ابنها .. فقال لأمه يا بخته فردت … ليه قالها عشان بيرضع شيكولاتة .
* ولد بيقول لابوه عايز 2 جنيه علشان رايح عند محمدين فقال الاب تاخد جنيه وتروح عند محمد .
* واحد بلديتنا وواحد امريكي الامريكى قال لبلديتنا وصلتوا فين بالتطور رد وقال
ياعم تطور ايه دا احنا رجعنا لورا ثم سأل بلديتنا الامريكي انتوا وصلتوا فين بالتطور؟ الامريكي قاله احنا وصلنا بالتطور اذا القمر الصناعى عطل في السما نقدرنصلحه بلديتنا فكر شوية و قال يااااااااااااااه هو المفك بتاعكم طوله أد ايه
* سواق تاكسى دخل ينام مراته قفلت عليه الباب ندهلها وقالها افتحى الباب واقفلية تانى .
* مره واحد سباك رشح نفسه علشان عنده مشروع ميخرش الميه .
* مرة واحد نجار بيسألوه عن أحلى فيلم تحب تشوفه رد : المفك المفترس
* مرة فى عيادة فيها دكتور أحول دخل عليه شخص أحول قال له ما تدخلوش بالأثنين قال له مش جايلك جاى للدكتور إللى جنبك .
* واحد بلديتنا حب يعمل ارهابى خطف ابنه محدش سال عليه قتله .
* مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي…تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته .
* مرة ولد صغير راح لجارته وطلب منها انها توريه لسانها فسالته ليه: فقالها عشان ماما بتقول ان لسانك زي العقربة .
* ثمانية من بلديتنا ماشيين ورا بعض وقعوا فى بلاعة واحدة .
* كان مره واحد جزار راح يخطب ابو العروسه قال له المهر خمسون الف جنيه قال له الجزار ليه الكيلو بكام.
* مره واحد خياط اشتغل سواق تاكسى بقى ينزل الزبائن ويركب زراير .
* مأذون مش لاقي شغلانة طلق مراته
* اثنين بلديتنا هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل بلديتنا
الأول وسأله البحراوي:حاجه بنلبسها لونها أسود وليها رباط
فجاوب بلديتنا :جزمه طبعآ
فرد البحراوي عليه:شكلك هتخلينا نغير تفكيرنا نادي على زميلك ألي بره
بلديتنا وهو خارج همس في ودان زميله وقال له:هيسألك عن الجزمه
سأل البحراوي الثاني حاجه لونها أسود بتتألي في الزيت وبتتاكل أه هيه؟
رد بلديتنا :برباط يا بيه!!!
قاله البحراوي:لأ
رد بلديتنا : تبجى بلغه يا بيه
* اتنين بلديتنا فاتحين محلات قدام بعض واحد كتب على المحل عندنا تجد كل ماتريد التانى كتب عندنا لا تجد كل ماتريد .
* سواق تاكسي قعدت جنبه بنت حلوة قوي قاللها : تعرفي تسوقي؟
قالتله : لأ
قالها : أنا تسوقي .
* مرة واحد بلديتنا طول الليل و النهار نازل اكل بطفاسة فطار غدا عشا ياكل من غير مايسمي قام الشيطان طلع قاله ابوس رجللك سمي .
* واحد راح يكشف عند الدكتور ،الدكتور بيقول له عندك ايه قال له عندي معزة وجوز عيال .

يعطيك العافيه على نكت

هههههههههههههههههه بارك الله فيك والله يعطيك العافيه



نكت مصريه ها ههههه

الله يعافيكم مشكورين على الرد